Na Fuskanci Kalubale Lokacin Da Nake Matsayin Dalibi A Amurka Cewar Shugaba Tinubu

Shugaban kasa Tinubu ya bayyana yadda wani jami’in sojin ruwa ya mare shi a Amurka.

Shugaban kasa Asiwaju Bola Tinubu ya bayyana cewa ya yi aiki a matsayin direban tasi mara lasisi a kasar Amurka lokacin da yake matashin saurayi domin daukar dawainiyar kansa.

Tinubu ya ce wani jami’in sojin ruwa ya taba marinsa a fuska saboda ya caje shi kudin mota zuwa gidansa fiye da kima bisa kuskure.

Shugaban Najeriyan ya kuma ce ya yi aiki iri-iri ciki harda aikin gadi domin biyan kudin makarantarsa lokacin da yake Chicago, kasar Amurka.

Hoto: @officialABAT (Twitter)